लाडकी सुन, सुरक्षित सुन

सौ. मीनाक्षी राजेंद्र शिंदे या ठाणे जिल्ह्यातील एक ज्येष्ठ व अनुभवी शिवसेना नेत्या आहेत. २००७ पासून ठाणे महानगरपालिकेच्या नगरसेविका म्हणून सातत्याने जनसेवा करीत असून, २०१७ मध्ये त्या ठाणे महानगरपालिकेच्या महापौरपदी निवडून गेल्या. सामान्य घरातून ते महापालिका भवनापर्यंत — जनसामान्यांच्या प्रश्नांशी थेट जोडलेले नेतृत्व हेच त्यांच्या राजकीय वाटचालीचे वैशिष्ट्य राहिले आहे.

शिवसेना महिला आघाडीच्या ठाणे जिल्हा प्रमुख म्हणून त्यांनी महिलांच्या सन्मान, सुरक्षा आणि स्वावलंबनासाठी सातत्याने काम केले. उपमुख्यमंत्री श्री. एकनाथ गंगूबाई संभाजी शिंदे यांनी लाडकी सुन अभियान सुरू केल्यानंतर या अभियानाचे महाराष्ट्र राज्य प्रमुख म्हणून जबाबदारी सौ. मीनाक्षी शिंदे यांच्याकडे सोपविण्यात आली. “जशी घरची लेक लाडकी, तशीच सुनही लाडकी व सुरक्षित असायला हवी” — या भावनेतून त्यांनी राज्यभरातील महिला आघाडी कार्यकर्त्या व रणरागिणी पथक यांच्यासोबत पीडित सुनांपर्यंत तातडीने मदत पोहोचवण्याचे काम हाती घेतले आहे.

ठाणे मुख्य कार्यालयातून हेल्पलाईन, कायदेशीर सहाय्य, समुपदेशन आणि पोलीस समन्वयासह संपूर्ण यंत्रणा त्यांच्या मार्गदर्शनाखाली कार्यरत आहे. सासरी होणाऱ्या अन्याय, छळ व हिंसेविरुद्ध प्रत्येक सुनेच्या पाठीशी उभे राहणे — हेच सौ. मीनाक्षी शिंदे यांचे अभियानातील ध्येय आणि जीवनकार्य आहे.